રાષ્ટ્રીય બાલિકા દિવસ

 

Join WhatsApp Group Click Here 

 ⭐રાષ્ટ્રીય બાલિકા દિવસ 2023

⭐National Girl Child Day 2023:

👉 ભારતમાં દર વર્ષે 24 જાન્યુઆરીના રોજ રાષ્ટ્રીય બાલિકા દિવસ મનાવવામાં આવે છે. જેનો હેતુ ભારતમાં લૈંગિક અસમાનતા વિશે જાગૃતિ વધારવાનો છે. રાષ્ટ્રીય બાલિકા દિવસ મનાવવાનો ઉદ્દેશ શિક્ષણ, આરોગ્ય, કામ અને જીવનના અન્ય પાસાંઓમાં મહિલાઓ અને છોકરીઓ સામે આવતી અડચણો દૂર કરવાની દિશામાં કામ કરવાનો છે. સમાજમાં મહિલાઓને પણ તક આપવાનો છે. રાષ્ટ્રીય બાલિકા દિવસ એટલા માટે મનાવાય છે જેથી સમાજમાં મહિલાઓને સમાન દરજ્જો મળી શકે.

⭐ રાષ્ટ્રીય બાલિકા દિવસનો ઈતિહાસ:

👉 મહિલા અને બાળ વિકાસ, ભારત સરકાર દ્વારા 2008માં રાષ્ટ્રીય બાલિકા દિવસની શરૂઆત કરવામાં આવી હતી. ત્યારથી આ દિવસ દર વર્ષે ઉજવવામાં આવે છે. 24 જાન્યુઆરીએ ભારતના પ્રથમ મહિલા વડાપ્રધાન ઈન્દિરા ગાંધીને નારી શક્તિ તરીકે યાદ કરવામાં આવે છે. આ દિવસે ઈન્દિરા ગાંધીએ પ્રથમ વખત વડાપ્રધાન તરીકેનો કાર્યભાર સંભાળ્યો હતો. તેથી જ આ દિવસને નેશનલ ગર્લ ચાઈલ્ડ ડે તરીકે ઉજવવામાં આવે છે.

👉 બાલિકા અને મહિલાઓના અધિકારો, તેમનું શિક્ષણ અને આરોગ્ય બાબતે લોકજાગૃતિ કેળવવા દરવર્ષે 24મી જાન્યુઆરીએ રાષ્ટ્રીય બાલિકા દિવસની ઉજવણી કરવામાં આવે છે.

 

⭐ બાલિકા દિવસનો ઉદ્દેશ્ય: 

👉 રાષ્ટ્રીય બાલિકા દિવસ નો મુખ્ય ધ્યેય દેશમાં છોકરીઓને આત્મનિર્ભર બનાવવાનો અને તેમને મહત્વપૂર્ણ દરજ્જો આપવાનો છે. આજના સમયમાં ઘણી એવી જગ્યાઓ છે જ્યા છોકરીઓમાં ભેદભાવ રાખવામા આવે છે. જેમ કે કાનૂની અધિકારો, શિક્ષણમાં અસમાનતા, સુરક્ષા, તબીબી સંભાળ, બાળલગ્ન વગેરે સમસ્યાઓ સામેલ છે. જેથી રાષ્ટ્રીય બાલિકા દિવસનો હેતુ ભારતમાં લૈંગિક અસમાનતા વિશે જાગૃતિ વધારવાનો છે.

👉 મહિલા અને બાળ વિકાસ મંત્રાલય દ્વારા મહિલાઓ અને બાળકીઓનો આર્થીક અને સામાજિક વિકાસ થાય અને તેમના સાથે થતા અન્યાયને અટકાવવા માટે આ દિવસની ઉજવણી કરવામાં આવી હતી.અને તેનો ઉદ્દેશ શિક્ષણ, આરોગ્ય, કામ અને જીવનના અન્ય પાસાંઓમાં મહિલાઓ અને છોકરીઓ નડતી અડચણો દૂર કરીને સમાજમાં મહિલાઓને પણ સમાન તક આપવાનો છે.

⭐ વિવિધ કાર્યક્રમોનું આયોજન

રાષ્ટ્રીય બાલિકા દિવસ નિમિત્તે ‘એમ્પાવરિંગ ગર્લ્સ ફૉર અ બ્રાઇટર ટુમોરો’ની થીમ સાથે બાલિકા દિવસની ઉજવણી કરવામા આવે છે. બાલિકા દિનની થીમ દેશમાં છોકરીઓ અને મહિલાઓ સાથે કરવામાં આવતા વ્યવહારને પડકારવા અને તેમને વધુ સારુ જીવન અને વધુ સારી તકો પૂરી પાડવા માટે કામ કરવાની છે. આ દિવસે સરકાર દ્વારા મહિલા અને બાલિકાઓ માટે જાગૃતિ અભિયાનની ઝુંબેશ ચલાવે છે. તેમજ મહિલા અને બાળ વિકાસ મંત્રાલય દ્વારા આ દિવસે વિવિધ કાર્યક્રમોનુ આયોજન કરવામાં આવે છે. જેમાં સેવ ધ ગર્લ ચાઈલ્ડ, ચાઈલ્ડ સેક્સ રેશિયો અને બાળકી માટે સ્વસ્થ અને સુરક્ષિત વાતાવરણ બનાવવા સહિત અનેક જાગૃતિ કાર્યક્રમો યોજવામાં આવે છે.