આંતરરાષ્ટ્રીય અલ્પ સંખ્યક અધિકાર દિવસ

 ⭐આંતરરાષ્ટ્રીય અલ્પ સંખ્યક અધિકાર દિવસ

⭐લઘુમતી અધિકાર દિવસ

          18 ડિસેમ્બરને 'લઘુમતી અધિકાર દિવસ' (Minority Rights Day) / આંતરરાષ્ટ્રીય અલ્પ સંખ્યક અધિકાર દિવસ તરીકે ઉજવવામાં આવે છે. આ તહેવાર ભારતમાં પણ ઉજવવામાં આવે છે. અલ્પસંખ્યક લોકોના અધિકારોને પ્રોત્સાહન અને રક્ષણ આપવા માટે લઘુમતી અધિકાર દિવસ ઉજવવામાં આવે છે. મુસ્લિમ, શીખ, ખ્રિસ્તી, બૌદ્ધ, પારસી અને જૈન ભારતની લઘુમતીઓમાં ગણાય છે. આ અવસર પર દેશભરમાં વિવિધ કાર્યક્રમોનું આયોજન કરવામાં આવે છે.

             સંયુક્ત રાષ્ટ્ર મહાસભાએ 1992માં 18મી ડિસેમ્બરને 'આંતરરાષ્ટ્રીય અલ્પ સંખ્યક અધિકાર દિવસ' દિવસ તરીકે પસંદ કર્યો. લઘુમતીઓ ધર્મ, ભાષા, રાષ્ટ્રીયતા અથવા જાતિ પર આધારિત છે. ત્યારે યુનાઈટેડ નેશન્સે કહ્યું કે દેશોએ લઘુમતીઓની સંસ્કૃતિ, ધર્મ વગેરેની સુરક્ષા માટે પગલાં ભરવા પડશે. જેથી તેમનું અસ્તિત્વ જોખમમાં ન આવે.

ભારત:

        વર્ષ 1978માં કેન્દ્રીય ગૃહ મંત્રાલયે એક ઠરાવ બહાર પાડ્યો હતો. લઘુમતી સમુદાયના લોકો માટે એક કમિશન બનાવવાનું કહેવામાં આવ્યું હતું. તેની સાથે એવું પણ કહેવામાં આવ્યું હતું કે ભારતીય બંધારણમાં ઘણા સંરક્ષણ કાયદા છે. આમ છતાં લઘુમતીઓ અસુરક્ષિત અનુભવે છે. એટલું જ નહીં, તેમની સાથે ભેદભાવ કરવામાં આવે છે. તેને સમાપ્ત કરવા માટે લઘુમતી આયોગની સ્થાપના કરવામાં આવી હતી. આ સાથે, 1992 માં, 'નેશનલ કમિશન ફોર અલ્પસંખ્યક' (National Commission for Minorities)ની રચના કરવામાં આવી હતી. જે અંતર્ગત 1993નું નોટિફિકેશન આવ્યું હતું.

➡️ભારતમાં કુલ 6 સમુદાયને અલ્પસંખ્યકનો દરજ્જો પ્રાપ્ત છે.

👉 મુસ્લિમ, શિખ, ઈસાઈ, બૌદ્ધ, પારસી, જૈન

              ભારતના બંધારણ મુજબ દેશના દરેક નાગરિકને સમાન અધિકાર મળવા જોઈએ. પછી તે કોઈપણ જાતિ, ધર્મ, ભાષા કે સમુદાય હોય. દેશના બંધારણમાં પણ લઘુમતીઓના રક્ષણની જોગવાઈ છે.